CHENÉ EN WIKS

Soos hulle sê, “Alle Namibiërs ken mekaar!” Die eerste ontmoeting nie altyd soos wat n man dit beplan nie, moes Wiks maar tevrede wees toe hierdie mooi Pretoriaanse meisie, nuut in Namibia, hom uitbowl in n krieketwestryd in graad 5. Kop tussen die bene is hy maar huis toe, en wag toe vir sy volgende kans op matriek vakansie.

Na 'n week saam in die Kaap, is dit Wiks wat haar voete onder haar uitbowl, so erg dat sy na 100km omdraai vir nog een laaste soen. Met hulle hele lewens voor hulle, Chené in Stellenbosch en Wiks in Potch, en eerste jaar te lekker, bly hulle toe eers vriende. 'n Jaar later op die bekende Potch na Stellenbosch trein toer loop hulle mekaar weer raak, en dis daar wat dit voel of hulle mekaar nooit gegroet het nie.

Na 2 jaar se lang afstand verhouding met baie ups & downs, min sakgeld want petrol is duur Kaap toe, gaan boer Wiks in Amerika en eweskielik is die 1500 km tussen Potch en Stellenbosch nou 15 000km. Chené kon dit nie hou nie en toe sy haar oë uitvee toe boer sy saam. Dis net daar waar Wiks 100% seker was dit is sy trouvrou-sy kan kos maak, hekke oopmaak en as sy moet sal sy solank vuur maak.

Hierdie storie is net die begin van hulle pad saam. Ná jare van afwagting, langafstandverhoudings, en ongelooflike avonture aan beide kante van die wêreld, het Wiks besluit dit is tyd om die volgende stap te neem. In die pragtige natuur van Okapuka, omring deur Namibië se wye vlaktes, wat hulle albei nou “huis” kan noem, maak hy sy knie vuil en vra of sy vir altyd aan sy sy sal wees.

Met geen twyfel in haar hart, het sy "Ja!" gesê. Nou, met groot opgewondenheid en 'n diep liefde vir mekaar, is hulle gereed om die res van hul lewens saam deur te bring – hand aan hand, altyd gereed vir die volgende avontuur, met ‘n lewe vol lag, liefde en gesamentlike drome.