COR & BEULAH

Beulah en Cor se jonger sussie (Charlotta) is baie goeie vriendinne. Charlotta het al van dag een af geweet sy moet vir Beulah en Cor aan mekaar voorstel, maar Beulah wou niks weet nie. Eers toe Beulah vir Cor by Patria manskoshuis se 'formal' in 2019 raaksien, sonder die wete dat dit Charlotta se broer is, het Beulah twee keer begin dink. Beulah het die aand na die formal vir haar kamermaat, Celine gesê  "Ek het vanaand my trouman ontmoet!"

'n Paar maande daarna kuier die twee mekaar raak op die Joolplaas (een van Charlotta se slim planne) en Cor vra vir Beulah om saam met hom na die Botma's se troue toe te gaan. Beulah sê "dit was die lekkerste troue nog, maar wat dit toe beter maak is daar soen Cor my in die middel van die dansvloer." Cor het nie op hom laat wag nie en vra toe vir Beulah om sy meisie te wees op die 1ste Mei 2020. God was teenwoordig en die liefde het geblom.

Met baie deursettingsvermoë kon Cor pappa Melt oortuig om sy dogter af te staan en nou staan die twee op trou. Dankie Jesus!